Fréttir

Gangagröftur hafinn að nýju Fnjóskadalsmegin

Gangagröftur er nú hafinn að nýju Fnjóskadalsmegin í Vaðlaheiðargöngum. Eitt og háflt ár er frá þvi að gröftur stöðvaðist þegar laust efni hrundi úr misgengissprungu og í kjölfarið kom mikið innrennsli af köldu vatni.

Gangagröftur stöðvast í Fnjóskadal vegna vatnsinnflæðis

Föstudaginn 17.4.2015 byrjaði að hrynja úr misgengissprungu í lofti ganganna og í kjölfarið fylgdi mikið innflæði af köldu vatni ca. 500 l/s. Um kvöldið 18.4.2015 var fyrirséð að dælur hefðu ekki undan og var því ákveðið að fjarlæga öll verðmæti úr göngum. Um miðjan dag 19.4.2015 var vatnsborð komið að hápunkt ganganna og byrjað að renna út um göngin og út í Fnjóská. Næstu daga verður fylgst með þessu vatnsrennsli og næstu skref ákveðin en ljóst er að gangagröftur í Fnjóskadal verður stopp í óákveðinn tíma. Verktaki mun flytja öll tæki og mannskap til gangagerðar aftur yfir í göngin Eyjarfjarðarmegin.

Gangagröftur hálfnaður 6.2.2015

Gröftur Vaðlaheiðarganga er nú hálfnaður. Verktakinn náði þeim áfanga eftir sprengingu aðfaranótt föstudags að komast í 3603 metra sem eru 50% af áætlaðri lengd ganganna.

Gleðileg jól og farsælt komandi ár

Vaðlaheiðargöng hf óskar þér og þínum gleðilegrar hátíðar og farælt komandi ár.

Gangagröftur hafinn í Fnjóskadal

Laugardaginn 6.september kl. 18:00 var fyrsta sprenging framkvæmd fyrir Vaðlaheiðargöngum í Fnjóskadal. Þegar er búið að sprengja 2.695 metra frá Eyjafirði en gangagreftri þar var hætt í bili í lok ágúst og borinn fluttur yfir í Fnjóskadal og stefnt að því að grafa um 2.000 metra austan frá.

Vatnsæð verður lokað með efnaþéttingu

Stjórn Vaðlaheiðarganga hf hefur ákveðið að fara að tillögum ráðgjafa og láta reyna á það að loka fyrir vatnsæðina með efnaþéttingu. Áætlað er að undirbúningsaðgerðir í heild geti tekið 3-4 vikur en sjálf bergþéttingin geti tekið mun styttri tíma eða um viku.

Heiti lækurinn er ekki hæfur sem baðstaður

Við viljum taka undir með Heilbrigðiseftirlit Norðurlands eystra og vekjum athygli á því að heitt vatn sem rennur frá Vaðlaheiðargöngum hentar á engan hátt sem baðvatn.

Komnir 2002 metra inn í Vaðlaheiðina

Sprengingar byrjaðar aftur og í dag eru göngin komn yfir 2 km að lengd eftir nokkra daga stopp í jarðaganga greftri vegna bergþéttingar.

Fyrsta bergþéttingin í Vaðlaheiðargöngum

85m frá "stóru vatnssprungunni" kom um 50° heitt vatn en í frekar litlu magni en ákveðið var að loka fyrir þetta rennsli með bergþéttingu og fór sú vinna fram í gær og tókst vel. Alls voru um 20 bergþéttiholur boraðar og dælt inn í þær sementsefju í dag hófst svo gangagröftur að nýju og ekkert vatn kemur nú úr stafni.

Greið leið ehf 11 ára í dag 28.02.2014

Greið leið ehf meirihluta eigandi í Vaðlaheiðargöngum hf er 11 ára í dag 28.02.2014. Stofnfundur um einkahlutafélagið var haldinn árið 2003 í Valsárskóla á Svalbarðseyri og var tilgangur félagsins að standa fyrir nauðsynlegum undirbúningi fyrir stofnun félags um gerð og rekstur jarðganga undir Vaðlaheiði.