Fréttir

Umhverfis og samgöngunefnd Alþingis í heimsókn

Þann 19. september kom umhverfis og samgöngunefnd Alþingis í stutta heimsókn, skoðuðu göngin og fengu upplýsingar um stöðuna í verkinu frá fulltrúum verkkaupa, eftirlits og verktaka.

Hvasst og illfært um Víkurskarð

Mjög hvasst og hált er um Víkurskarðið og full ástæða til að biðja fólk um að fara varlega. Meðfylgjandi er vegmynd tekin af vef vegagerðarinnar í morgun 16.09.2013. Veðrið úti hefur lítil áhrif á gangavinnuna og var síðasta vika sú besta til þessa alls lengdust göngin um 79 metra og eru því alls núna 590m eða 8,2% af heildar lengd.

Vinna við fyrst útskot lokið

Þá er vinna við fyrsta neyðarútskot og snúningsútskot lokið en framvinda síðustu viku var "aðeins" 38m vegna mikillar vinnu sem fór í útskotin. Núna eru um 500m í næsta útskot og ættu eðlileg afköst er vera hér eftir um 60-70m á viku. Göngin fóru yfir 500 metranna á þeirri skemmtilegu dagsetningu 7,9,13 og í lok vikunar voru þau 511 metrar.....

Vaðlaheiðargöng komin í 473 metra

Gangagröftur í síðustu viku gekk vel og lengdust göngin um rétt tæpa 55 m. Heildarlengd ganga er þá orðin um 473 m sem er um 6,6% af heildarlengd ganga. Ástæða minni framvindu í metrum talið er sú að nú hefur einnig verið unnið að gerð útskots og er flatarmál gangasniðs í útskotum um 37,5% meira en í hefðbundnu sniði. Auk útskots er einnig s.k. snúningsútskot en það eru um 16 m löng einbreið göng sem snúa þvert á aðalgöngin og eru þau gerð til unnt sé að snúa við stærri bílum. Hefðbundin útskot eru á 500 m millibili og verða alls 14 í göngunum og þar af verða 4 með snúningsútskot.